Somewhere over the rainbow.........

Er flutt.....

Tue, 24 Apr 2007 11:00:57 GMT

Frá og með deginum í dag mun ég aðeins blogga á nýju síðunni minni sem er á mbl. Meðfylgjandi eru slóðin á hana. http://lindaosk.blog.is/blog/lindaosk/

kærleikskveðja og knús, Linda Ósk

Af hverju heitir síðan þín Somewhere over the rainbow ?

Sat, 21 Apr 2007 21:36:42 GMT

Ég hef oft verið spurð að þessu. Ég valdi þetta heiti á síðuna vegna þess að mér finnst texti og lag alveg ofboðslega fallegt og ég hef fulla trú á því að á bak við regnbogann bíði okkar eitthvað fallegt. Það er bara spurning um að komast þangað og skoða málið :haha: Ég var líka með annað lag í huga þegar ég var í þessari nafnaleit, lag sem er mér mjög kært. Það vildi bara svo skemmtilega til að fyrrverandi vinnufélagi minn og góð vinkona á einmitt blogg sem heitir eftir því fallega lagi, What a wonderful world svo ekki gekk það upp og þetta varð niðurstaðan. Það tók mig líka tíma að finna réttu myndina á síðuna og ef þið getið bent mér á fallegri mynd af regnboga en þessa hér að ofan þá megið þið láta mig vita. Held samt að það toppi ekkert þennan fullkomna regnboga.

When all the world is a hopeless jumble
And the raindrops tumble all around
Heaven opens a magic lane
When all the clouds darken up the skyway
There's a rainbow highway to be found
Leading from your window pane
To a place behind the sun
Just a step beyond the rain

Somewhere over the rainbow way up high
There's a land that I've heard of once in a lullaby
Somewhere over the rainbow skies are blue
And the dreams that you dare to dream
Really do come true

Some day I'll wish upon a star
And wake up where the clouds are far behind me
Where troubles melt like lemon drops
Away above the chimney tops
That's where you'll find me

Somewhere over the rainbow blue birds fly
Birds fly over the rainbow
Why then, oh why can't I?
If happy little bluebirds fly beyond the rainbow
Why oh why can't I?

Kærleikskveðja, Linda Ósk

Á meðfylgjandi slóð er búið að setja lögin mín tvö saman í eitt, bara flott og ég á svo sannarlega eftir að ná mér í diskinn með þessum söngvara.

http://www.youtube.com/watch?v=Pe5p1BXNCQM

Nýr bloggvinur :)

Fri, 20 Apr 2007 00:11:28 GMT

http://blog.central.is/blidfinnur

Á ég að nenna ?

Thu, 19 Apr 2007 21:44:40 GMT

http://lindaosk.blog.is/blog/lindaosk/

Gleðilegt sumar

Thu, 19 Apr 2007 13:22:04 GMT

Gleðilegt sumar mín elskanlegu og megi sumarið færa ykkur sól, hita, sól og aftur sól 8)

Glæpavikan fræga endaði í gær með húllum hæ og miklu fjöri. Við enduðum vikuna í leik sem heitir Mystery Murder, frábær leikur sem hægt er að kaupa á netinu. Allir sem mættu í hófið fengu fyrirfram ákveðið hlutverk. Ég fékk það skemmtilega hlutverk að leika ráðskonu Hr. Hayden, sem er aðalsögupersónan í leiknum. Helgi lék Hr. Raily, stjórnarformann í fyrirtæki Hr. Hyden. Leikurinn gerist í veislu hjá þeim Hyden hjónum og árið er 1976, í heimsókn koma ýmsir óboðnir gestir sem setja svip sinn á veisluna og þegar á líður dettur Hr. Hyden niður dauður og þá hefst nú fjörið. Það kemur síðan í ljós að einn af þessum óboðnu gestum er leynilögga sem búin var að fylgjast með þeim Hyden hjónunum um tíma, enda stórfurðuleg hjón með mörg leyndarmál. Hlutverk leynilöggunar er að finna út hver drap Hr. Hyden og hvers vegna. Það var bara gaman að sjá hvað vinnufélagar mínir og makar tóku hlutverk sín alvarlega og höfðu gaman að þessu. Flottur endir á góðri glæpaviku og á skemmtinefndin hrós skilið fyrir þessa frábæru skemmtun :haha:

Í morgun drifu Helgi og Matti sig vestur á Snæfellsnes í veiði enda bjartur og fallegur dagur og um að gera að vera utandyra í dag. Ég fer ekki langt að heiman því ég er á bakvakt þessa vikuna, ætla samt að skreppa í smá göngu og heimsækja svo tengdapabba sem aftur er kominn á spítala – sem betur fer. Já, ég segi sem betur fer því það átti að sjálfsögðu alls ekki að senda manninn svona snemma heim eftir síðustu spítalavist, hann var bara ekki það góður að hann gæti verið heima en hver dagur kostar sitt svo fólk er sent heim eins fljótt og hægt er. Við vonum bara að þetta fari að ganga yfir og hann nái þreki og heilsu sem fyrst svo hann komist heim til hennar Diddu sinnar. Heima er best :haha:

Kærleikskveðja, Linda Ósk

Helgin sem leið alltof fljótt

Mon, 16 Apr 2007 01:12:29 GMT

Ég ætlaði að vera voða dugleg og blogga um glæpavikuna miklu en það er bara búið að vera svo mikið að gera hjá mér að bloggið sat á hakanum. Sorry, lofa að láta ykkur vita hvernig þetta endar :$

Þá er ný vika að hafin, stutt vika eins og sú síðasta og ekki nema 4 vinnudagar framundan. Vikan þar á eftir eftir verður líka stutt í vinnu hjá mér því ég fer til Danmerkur þann 26.apríl. Gaman, gaman því mig hlakkar mikið til að hitta Þórð og Mæju :haha:

Helgin byrjaði vel, var boðin í mat til Þórunnar og Bogga og það er alltaf gaman að koma þangað í mat skal ég segja ykkur og með okkur borðaði Emil vinur okkar sem staddur var hér heima í smá fríi. Um hádegi á laugardag var Gunnar eldri fluttur með sjúkrabíl upp á spítala því hann var búinn að vera svo slæmur í maganum í viku og fór bara versnandi. Eftir heimsókn okkar upp á slysó með gamla manninn er tilfinning mín sú að eldri borgarar séu annars flokks sjúklingar sem geta bara beðið. Ég veit að það mikið að gera hjá þeim en eftir 5 klukkustunda bið var loksins eitthvað gert fyrir hann sem skipti máli. Mér finnst líka alveg furðulegt að halda sjúklingi inn á slysa - og bráðamótttöku í sólarhring vegna niðurgangs. Gunnar er sem betur fer allur að koma til og kom heim í dag.

Ég horfi á sjónvarp og er líka ein af þeim sem þori að viðurkenna sjónvarpsgláp mitt. Mér finnst nefnilega alltaf jafn skondið þegar fólk segist ekki horfa á sjónvarp, það sé bara tímaþjófur og það hafi nú annað og betra við tímann að gera en að horfa á sjónvarp. Það er samt er alveg furðulegt hvað þetta sama fólki veit mikið um það sem er að ske í vissum þáttum, hvaða þættir eru sýndir hvaða kvöld vikunnar og á hvað stöð. Það er ekki oft sem ég dett niður í einhverja þætti sem ég bara hreinlega má ekki missa af. Ég er samt búin að fylgjast með Prison Break í vetur og beið að sjálfsögðu spennt eftir lokaþættinum í síðustu viku, eftir þáttinn sá ég að þetta voru ekki endalokin sem ég átti von á og því er örugglega þriðja sérían farin í gang. Stundum verða þættir bara að fá að enda og ég er ekkert svo viss um að ég nenni að horfa á seríu þrjú þegar hún fer í loftið – þetta er nefnilega orðið eins og sagan endalausa og nú er eiginlega komið nóg :$

Sigga Helga vinkona varð 44 ára í gær - hún var að koma heim frá Orlando í morgun svo ég á eftir að knúsa og kyssa hana :haha:

Með kærleikskveðju, Linda Ósk

Glæpavikan mikla !

Wed, 11 Apr 2007 23:30:22 GMT

Þegar ég mætti í vinnuna í gær var búið að innsigla básinn minn með gulum borða og á borðanum var miði sem á stóð: húsleit framkvæmd 10.04.2007......stækkunargler lá á borðinu mínu ásamt miða sem á stóð að leitað væri að týndum manni. Úps, þá mundi ég skyndilega eftir því að glæpavikan mikla í vinnunni var hafin :$ Mín lá sem sagt undir grun um að hafa átt þátt i hvarfi formanns einnar deildar systursamtakanna. Ég hóf að sjálfsögðu leit að týnda formanninum með stækkunarglerinu góða, þó svo að búið væri að gera húsleit í básnum mínum. Það eina sem ég fann var lítill Lego kall ofan i blómavasa. Ég sendi með hraði tilkynningu til rannsakenda LRS að gæinn væri fundinn, reyndar passaði Lego kallinn ekki alveg við lýsinguna á formanni en ég varð að láta á það reyna, ekki gat ég setið uppi með Lego kall í básnum mínum sem hugsanlega gat verið týndi formaðurinn.

Svar LRS við tilgátu minni var þessi:

Útsendarar LRS framkvæmdu húsleit á landsskrifstofu systursamtakanna í nótt hjá starfsmanni sem hefur orðið uppvís að því að koma smitsjúkdómaberum inn á öldrunarstofnanir. Sá grunaði er slyngur sem áll en þó ekki meira en svo að hann gaf sig að máli við LRS í morgun og reyndi að telja mönnum trú um að LEGO-kall sem hann, nota bene fann sjálfur, hafi eitthvað með málið að gera. Maður getur ekki annað en leitt að því líkur að verið sé að slá ryki í augu rannsóknaraðila.

Síðast liðinn sólarhring hefur þetta dularfulla mál verið að taka á sig ýmsar myndir og í morgun fundust buxur, nota bene, herranærbuxur á lyklaborðinu henni Gullu svo nú berast böndin einnig að henni. Það verður spennandi að mæta í vinnuna á morgun því einhvern veginn hef ég á tilfinningunni að fleiri vísbendingar um týnda formanninn verði dregnar fram í dagsljósið.

Hver er þá litli Lego kallinn og hvaðan kom hann ?

Fylgist spennt með glæpavikunni miklu á morgun

kærleikskveðja, Linda Ósk

Blíðfinnur bestaskinn

Tue, 10 Apr 2007 09:39:39 GMT

Til hamingju með daginn elsku Helgi minn :haha:

Páskafrí með öllu tilheyrandi

Mon, 09 Apr 2007 21:38:28 GMT

Þá er páskafríinu að ljúka. Því miður eru margir sem gleyma hvers vegna við eigum frí þessa daga, gleymum því hreinlega í hraða daglegs lífs. Ég reyni að nota þessa daga í samveru með fjölskyldu og vinum og eins og svo oft áður var gestkvæmt hjá okkur. Helgi heldur því fram að ég hafi verið hefðarfrú í fyrra lífi þar sem mér finnst svo gaman að hafa marga í kringum mig, halda boð og finnst lítið mál að bæta við fólki í mat með stuttum fyrirvara. Ég held frekar að ég hafi rekið athvarf eða félagsheimili :$

Föstudagurinn langi var einn af leiðinlegustu dögum ársins í minni æsku, það mátti hreinlega ekki gera neitt skemmtilegt. Það var ekkert spennandi í útvarpi og sjónvarpi og það mátti alls ekki fara í heimsókn til vina og ættingja. Í dag reyni ég að gera eitthvað skemmtilegt fyrir mig og mína og í ár bauð ég góðum vinum í sjávarréttasúpu með öllu tilheyrandi þ.e. hvítvíni, brauði og heitum potti :haha:

Á laugardaginn litu þeir feðgar, Biggi og Samúel við og fengu sér smá kaffi og páskaegg með okkur, alltaf gaman að fá vini úr Grundarfirði í heimsókn. Kvöldinu var síðan varið í spil með Ingibjörgu og Gunnari en börnin, ef börn skal kalla, voru óvenju mikið heima þessa dagana. Þau nutu þess að vera heima með mömmu og pabba og hafa það kósí eins og við köllum það :haha:

Á páskadagsmorgun vöknuðu systkynin óvenju snemma því þau vakna ekki klukkan níu á sunnudögum nema tilneydd ! Það er alveg ótrúlegt hvað þau eru vanaföst þessar elskur því það varð að fela páskaeggin og það varð að vakna klukkan níu til að horfa á barnaefnið, sem þau reyndar gleymdu að horfa á í ár þar sem þau voru svo lengi að leita að páskaeggjunum. Það tók um 45 mín að finna síðasta eggið en alls leituðu þau að sjö eggjum, já ég sagði sjö eggjum því við fengum óvenju mörg egg þetta árið :$

Ég var með ellefu manns í mat á páskadag því fyrir utan það sem venjulega er í mat hjá mér á tillidögum mættu heimalingurinn Dóra Lind, Helga frænka og Eydís hans Gunna í mat :haha:

Hafdís systir og fjölskylda kom svo í heimsókn um kvöldið og sátum fram á rauða nótt við að spila Partý og co, skemmtilegt spil sem kom öllum til að hlægja og vel það. Mæli með spilakvöldi þar sem Partý og co er spilað, ekki verra að hafa smá bjór og popp með :haha:

Á morgun verður svo enn eitt boðið hér á Móabarðinu. Blíðfinnur bestaskinn á afmæli á morgun svo hér verður opið hús með kaffi og tilheyrandi, að sjálfsögðu er búið að baka Leyndarmál, nema hvað ? Leyndarmálið er vinsæl kaka í móðurfjölskyldunni hans Helga og það eru aðeins þrjár konur í fjölskyldunni sem geta bakað þessa köku því uppskriftin er leyndarmál, jamm og þannig varð nafnið á kökunni til. Ég var svo heppin að fá uppskriftina að gjöf á sínum tíma sem þíðir að ég er ein ein þeirra kvenna sem geta bakað kökuna, hinar konurnar eru tengdamamma og Helga frænka. Skemmtileg hefð sem gaman er að varðveita :haha:

Kærleikskveðja, Linda Ósk

Gleðilega páska mín elskanlegu

Sun, 08 Apr 2007 17:11:26 GMT

.....eða gleðilegt páskaegg eins og ég sagði vist þegar ég var aðeins yngri :haha: er að setja inn myndir ....

Það eru að koma páskar ........

Tue, 03 Apr 2007 12:27:31 GMT

Mátti til með að færa síðuna í smá páskabúning og ég að byrja í góðu páskafríi í dag :haha: kærleikskveðja, Linda Ósk

Góð helgi að baki

Mon, 02 Apr 2007 09:17:01 GMT

Þá er kosningu um fyrirhugaða stækkun álvers Alcans í Straumsvík lokið og niðurstöður liggja fyrir. Ég hefði gjarnan viljað sjá önnur úrslit, af þeim 76,6 % sem kusu höfnuðu 50,3% fyrirhuguðu skipulagi en já sögðu 49,3%. Þetta sýnir okkur að bænum er skiptast í tvær jafnar fylkingar hvað þetta mál varðar og ég er hrædd um að niðurstaðan eigi eftir að skapa óeiningu í bænum. Afgerandi munur hefði verið betri enn... svo fór sem fór :$

Fjölskyldan fór í Borgarleikhúsið á laugardaginn og sá Vilt þú finna milljón ? sem er bráðfyndin gamanleikur, reyndar skilur það ekki mikið eftir nema harðsperrur í maga eftir mikin hlátur. Það er óhætt að mæla með þessu stykki fyrir alla aldurshópa því unga fólkið í fjölskyldunni skemmti sér jafnvel og við Helgi. Það hafa allir gott af því að hlægja svolítið svo það er um að gera að drífa sig í leikhúsið :haha::haha::haha:

Í gær fórum við Helgi og Gunnar á Þjóðminjasafn Íslands, þetta var fyrsta ferð mín á safnið eftir breytingar en þeir feðgar fóru á safnið fljótlega eftir opnun svo þetta var þeirra önnur ferð. Glæsilegt safn sem ég á alveg örugglega eftir að heimsækja aftur því þar er margt fróðlegt og fallegt að sjá. Í húsinu er að finna gott kaffihús, mæli með Swiss moccanu :haha: og þar er líka að finna litla og skemmtilega verslun. Að sjálfsögðu keypti ég mér eitthvað fallegt, fell alltaf fyrir flottum glösum :haha:

Góð helgi að baki og stutt í næsta frí.

Kærleikskveðja, Linda Ósk

Já eða nei ?

Sat, 31 Mar 2007 00:48:25 GMT

Það verður kosið í Hafnarfirði í dag, kosið um fyrirhugaða stækkun á álveri Alcans í Straumsvík. Mér finnst frábært að fá að kjósa, það er lýðræðislegt og rétt. Þetta er það stórt og veigamikið mál svo að sjálfsögðu eigum við bæjarbúar að fá að tjá okkur um það.

Ég er ekki hrifin af stóriðju inn í íbúðarbyggð, álverið er sjónmengun og ekki verður það skárri eftir stækkun, mikil röskun verður á náttúru vegna línumannvirkja og ég er hrædd við mengunarslys því þau eru ekki aftur tekin. Ég var ekki ánægð þegar bæklingar, diskar og önnur gylliboð fóru að streyma inn um dyrar hjá mér frá Alcan, mér fannst eins og verið væri að kaupa atkvæði mitt. Ég skil vel áróður þeirra þar sem um stórt hagsmunamál er að ræða og ég skil líka vel áróður þeirra í Sól í Straumi því ég er að mörgu leiti sammála þeim. Þó álverið sjálft sé sjónmengun sem mér er illa við þá leggur fyrirtækið metnað sinn i að hafa snyrtilegt í kringum sig. Það er mörg fyrirtæki hér í bæ sem mættu taka sér það til fyrirmyndar og það er t.d.ekki glæsilegt um að líta í iðnaðarhverfinu hér fyrir neðan hjá mér. Fyrirhuguð stækkun álvers mun hins vegar skila auknum tekjum í bæjarsjóð, auknum atvinnutækifærum og ekki síst mun hún hafa áhrif á þróun fyrirtækja hér í bæ hvað varðar kaup á vörum og þjónustu.

Mér finnst alltaf jafn skrýtið þegar fólk segir að það sé hægt að finna svo margt annað en virkjanir og álver til að efla tekjur og atvinnumöguleika. Ég heyri sjaldan einhverjar tillögur nefndar. Það er helst að fólk segi, nú eitthvað sem tengist tækni og hugbúnaðarvinnu.

Persónulega er ég búin að fara í marga hringi í þessi máli og ég hef spurt sjálfa mig hvort ég sé að láta verðgildi ofar manngildi stjórna mér í þessari ákvörðunartöku minni. Ég vil að sjálfsögðu sjá aukna og betri þjónustu í bæjarfélaginu mínu, eins og svo margir aðrir en eftir mikla og ýtrarlega umhugsun hef ég ákveðið að fylgja því sem hjarta mitt segir.

Ég ætla að segja nei.

Meðfylgjandi er niðurstaða skoðanakönnunar sem ég setti upp hér á síðunni:

Á að leyfa fyrirhugaða stækkun álvers Alcan í Straumsvík ?

Nei 7%

Nei, alls ekki ! 28%
Já 0%

Já, auðvitað 66%

Er alveg sama 0%
Hef enga skoðun 0%
Óákveðin 0%

kærleikskveðja, Linda Ósk

Gott að gleðja

Fri, 30 Mar 2007 21:52:30 GMT

Fyrir ykkur sem þekkið mig vel þá vitið þið að ég tek hlutverk mitt ávallt alvarlega, hvort sem það er í leik eða starfi :haha: Meðfylgjandi er tekið af bloggsíðu Herdísar þ.e. gestgjafanum sjálfum, ég bara má til með deilda þessari frábæru heimsókn með ykkur svo ég vona að mér sé fyrirgefið. Já, það er gott að gleðja aðra.

Okeiiiiiiiiiiiiii, við gerðum þetta líka af smá eigingirni þar sem við söknum þess að hafa ekki dísina á básnum sínum :haha: Farðu bara vel með þig kæra vinkona :haha:

Ég var ótrúlega heppin í dag, fékk heimsókn frá þremur vinkonum mínum og súper samstarfskonum hjá Rauða krossinum. Þær komu þessar elskur, Anna, Linda Ósk og Gunnhildur. Meðferðist höfðu þær allt sem skiptir máli þegar maður sinnir sjúkraheimsóknaþjónustu hjá Rauða krossinum s.s. spritt frá Gullu, skyndihjálpartösku, sjúkrabílabangsa, heimsóknarþjónustubækling, í gallanum og hjúkrunarfræðingurinn með hundaklút á höfðinu, enda 100% hjúkka þar á ferð. Síðan til að sjúklingurinn kæmist í gegnum heimsóknina með zero umstangi, komu þær með nesti bæði heilsu og sukk og súkkulaðihjarta í Valentínusaröskju..ég elska þessar kerlur og alla hina líka hjá Rauða krossinum og my oh my hvað ég er heppin að eiga svona góða að.

kærleikskveðja og góða helgi, Linda Ósk

Árinu eldri og orðin eigandi geitar.

Mon, 26 Mar 2007 20:07:55 GMT

Jæja, þá er ég víst orðin árinu eldri. Ég átti yndislegan afmælisdag í gær eins og svo oft áður, helgin var reyndar alveg yndisleg í heild sinni. Mér var boðið út að borða á föstudaginn í tilefni 85 ára afmælis tengdapabba, á laugardaginn bauð Helgi mér út að borða á Caruso, fór í fermingarveislu til Elínóru í gærdag og í gærkvöldi var ég síðan með smá boð hér heima fyrir ættingja og góða vini. Mömmu og pabba var sárt saknað þar sem þau eru stödd í sól og sumaryl á Kanarí 8)

Eins og svo mörg önnur afmælisbörn fékk ég fallegar gjafir, ég verð samt að viðurkenna að ein af þeim stóð upp úr. Það var gjöfin frá múslu minni og mola en þau tóku mömmu sína víst til fyrirmyndar sem gaf pabba sínum geit í afmælisgjöf á síðasta ári og gáfu mér geit. Ég er ekkert smá stolt af þeim enda þekkja þau mömmu sína ansi vel þessar elskur. Geitin er hluti af þróunnarverkefni Hjálpastarfs kirkjunnar og verður hún gefin fátækri fjölskyldu í Malaví eða Úganda til eignar og nytjar.

Sigga vinkona kom mér svo heldur betur á óvart í fermingarveislu dóttir sinnar í gær þegar hún bað veislugesti að syngja fyrir mig...hún á afmæli í dag, hún á afmæli í dag....... Elsku Sigga, þú ert engri lík og mikið þykir mér nú vænt um þig kæra vinkona. Takk :haha:

Með kærleikskveðju, Linda og geitin